سيف الروح
منتدى سيف الروح لخدمة شباب جامعة بكاتدرائية رئيس الملائكة ميخائيل يرحب بك عزيزي الزائر. ونرجو منك أن تعرّف بنفسك وتشرفنا بمشاركتك المنتدى معنا. إن لم يكن لديك حساب بعد, نتشرف بدعوتك لإنشائه .. وسلام الرب معك

سيف الروح

سيف الروح الذى هو كلمة الله .اف (17:6).. ايميل المنتدى seefelrooh@yahoo.com
 
الرئيسيةالرئيسيةاليوميةس .و .جبحـثالمجموعاتالأعضاءالتسجيلدخولدردشة
من أقوال الاباء والقديسين : + كثيرا ماتكلمت وندمت , وأما عن السكوت ما ندمت قط ( الآنبا ارسانيوس ).....          + خطايا الابرار على شفاهم . اما خطايا المنافقين فهى فى جميع اجسادهم  ( الانبا انطونيوس ).....          + احفظ سكونك من الداخل والخارج ( الآنبا بيمن المتوحد ).....              + الذى عندة رجاء حقيقى يطلب ملكوت الله فقط , وفيما يخص حاجات الحياة الوقتية ستعطى له بكل تأكيد ( القديس سيرافيم ).....                    + مادام قلبك مع الله فلا تتأثر بمديح أو بمذمة بل مجد الله فى الحالتين معا ( القمص ميخائيل البحيرى ).....         + من يتذكر خطاياه ويقر بها لا يخطىء كثيرا ( الآنبا موسى الاسود ).....

شاطر | 
 

 امتى تقولى او تقول احبك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
mero
عضو مميز
عضو مميز
avatar

المشاركات : 373
النقاط : 476
تقييم المستوى : 3
تاريخ التسجيل : 08/02/2010

27042010
مُساهمةامتى تقولى او تقول احبك

سلام ونعمة



عايزة اتناقش معاكم في موضوع يمكن من أهم المواضيع اللي بتخص الشباب في سن المراهقة


عنوان الموضوع زي ما أنتم شايفين متى تقول/تقولي أحبك؟ هنتكلم من ناحية المنطق, الدين ,العادات والتقاليد
هنستخدم قلبنا .. لكن كمان هنستخدم عقلنا


الحب
في الأول خالص نعرف يعني إيه كلمة أحبك؟ كلمة الحب؟؟؟


لو جبنا المعنى كلمة LOVE من أي قاموس .. ده اللي هنلاقيه


الحب :عمق, العطاء, مشاعر وعاطفة تجاه شخص ما, مثل التي تنشأ من علاقات, أو ادراك صفات جذابة في شخصية معينة ... الحب بيبتدي بـإعجاب ... إلخ
أو


الحب : شعور ورغبة الجذب تجاه شخص واحد هو والرغبة في ان يكونوا واحد ؛وهو الإنفعال الرومانسية..









ييجي السؤال بقى؟؟؟ هل هو ده الحب....



ام أن


اقتباس:


الحب = مسؤلية = التزام



الحب مش بس مشاعر و احساس و رومانسية و مظاهر تجمل



الحب التزام و مسئولية و حياة تبني مع شريك الحياة و زي ما بيكون فيها عاطفة لازم يكون فيها عقل



و مش في اي وقت اقول بحبك و مش لاي حد



-bolalover-



كلام أكيد جميل جدا ويمكن معظمنا عرفينه


الحب مش كلام... مش لعبة... مش هزار... الحب مسئولية ... التزام


كلمة بحبك رباط بيجمع بين إتنين... كلمة بحبك معناها تضحية ... تضحية؟؟


آه تضحية...







الدين



هنا ندخل على رأي الدين... احنا كأولاد للملك السماوي لازم نتعلم منه ونعمل زيه... الله لما احب العالم بذل ابنه الوحيد علشانك وعلشاني ... علشان ينجينا ... علشان بيحبنا... فهمت يعني إيه تضحية؟؟؟



الحب مش بس كلام... الحب فعل قبل الكلام... الله كان يفكر في فكرة الفداء من من زمان... مثل


لما شعب اسرائيل كانوا في البريه -أيام موسى- كان الله عملهم نظام يمشوا عليه ... وكانت كل حاجة الله يكلم بيها موسى ترمز للمسيح... فمثلا طريقة تقديم الذبيحة أو المحرقة
غير كده شعب اسرائيل لما كان بيمشي في البريه كانوا بيمشوا على هيئة صليب.. تابوت العهد في لنص... 3 اصبات في الشمال.. 3 في الجنوب .. 3 في الشرق .. 3 في الغرب... وكإن فكرة الفداء تشغل فكر الله منذ البدء , وكأنه ينظر للبشرية من خلال الصليب الذي سوف يحمله الابن
اقتباس:




لازم الواحد يقدر إن الحب تضحية


علشان علاقة الاتنين ببعض في الجواز ذي علاقة المسيح بكنيسته



miretti





الراجل راس المراة... المسيح راس الكنيسة... المسيح قد ذاته لاجل الكنيسة... الراجل يقدم ذاته من اجل المراة -إذا إطره الأمر -






المنطق



طب دي الناحية الدينية .. عايزين نقتنع شوية... يمكن المنطق يقنع و زي ما البعض قال


اقتباس:


الحب مع المنطق ...ممم الحب لو ما انبنى على عقل وتفاهم قبل العاطفه ممكن يضيع بأقل عثره


ده كان رأي من الآراء



إيه رأيكم؟ على ماظن كلنا متفقين إن لو حطينا العاطفة قبل المنطق هانتجرح وهنتعب قوي, لو مفيش نصيب


يعني مثلا لو في فرق كبير في السن. أو مسافات بعيدة...لو في فرق كبير في الدرجة الروحية …لو مستحيل التفاهم... الخ في أوقات عقلنا بينصحنا بـإن الموضوع مش هينفع لكن احنا مش بنسمع... والنتيجة بتبقى مش لصالحنا











العادات والتقليد


في مجتمعنا المصري مش كتير بيتقبلوا موضوع الحب... وحتى لو في بيبقى في حدود محطوطة أكتر من يمكن الحدود اللي احنا نفسنا بنعملها ... كتير لما يفكروا في الحب اللي ملهوش مستقبل بيخافوا منه ..


يعني حب ملهوش مستقبل= مش مقبول في مجتمعنا






نرجع لسؤالنا بعد كل ده متى نقول كلمة أحبك؟؟






زي ماقلنا كلمة حب مسئولية... مش بس في الوقت نفسه لكن كمان بعدين ... علشان نسمح لنفسنا نقول كلمة أحبك لحد تاني... لازم نفكر الاول في الحاجات ده ...


1. هل أنا مستعد من الناحية الاجتماعية إني ارتبط -مش لازم ارتباط يعني خطوبة أو جواز.. لكن في علاقة حب -


2. هل أنا مستعد من الناحية الاقتصاديه إني أفتح بيت, بعد حتى سنة وإتنين -علاقة أطول من كده بتبقى في الغالببيه ملهاش مستقبل-


3. هل أنا مستعد من الناحية الروحية... هل حياتنا الروحية في نفس المستوى؟؟؟ هل أنا أخدت اكتفاي من ربنا إني أقدر اشغل تفكري ومشاعري وكل حواسي بـحد تاني ... -أكيد مع ربنا,,, لو ده حسب مشيئته-


4. هل أنا مستعدة نفسيا إني اتحمل ضغط فوق الضغط بتاع الحياة اللي أنا عايشة فيها... -خليكم فاكرين الحب مسئولية-


5. أنا ممكن أقادم إيه للشخص ده... هل كده شخصيتي اكتملت؟؟






اقتباس:


الحب مش لعبة أو حاجة كده... الشباب لازم يعرفوا إن في فرق كبير مابين الاعجاب والحب


الحب أصلا مايجيش غير لما الإتنين يعرفه بعض قوي قوي ويكون في توافق بينهم...


وبعدين لازم يكون اللي بيحب ناضج في مشاعره علشان تبقى مشاعره حقيقيه ...


كمان مينفعش الواحد يحب صح غير لما يعرف الحب نفسه... الله... الله محبة … لازم يعرف الله الأول.. وبعدين يحب نفسه علشان يعرف يقدم حاجة للطرف الآخر



miretti





وفي طبعا اسئلة كتيرة تانية...
يمكن تشوفه إن ده معوقات عن الحب... لكن صدقوني كل ماتحطوا الاسئلة دية بنكون حطينا هدف نحققه قبل مانسمح لنفسنا بأي علاقة ... فكروا شوية كده لو إنت مش عارف/عارفة شخصيتك إزاي هتعرف شخصية اللي بتحبيه/بتحبها




في الآخر يبقى احنا متفقين إن لازم ندخل المنطق/عادات وتقاليد/ دين... ونستخدم عقلنا-اسمحولي أقول-قبل قلبنا في الموضوع... ولو الموضوع ماشي بإرادة ربنا... يبقى نسمح بدخول الشخص ده جوه قلبنا







أكيد كل واحد فينا عنده رأي مختلف... وعلشان كده احنا عملنا الموضوع ده... علشان نسمع ارائكم … بجد يهمنا خالص... تعالوا نتناقش... ممكن نقول زي ما ربنا قال … "هلموا ناتحاجج يقول الرب “هههههههه يلا مستنين اراكم منقول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
مُشاطرة هذه المقالة على: diggdeliciousredditstumbleuponslashdotyahoogooglelive

امتى تقولى او تقول احبك :: تعاليق

لا يوجد حالياً أي تعليق
 

امتى تقولى او تقول احبك

استعرض الموضوع السابق استعرض الموضوع التالي الرجوع الى أعلى الصفحة 

صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
سيف الروح  :: † القسم العام † :: مواضيع خاصة بالشباب-
انتقل الى: